أنت غير مسجل في مسلم أون لاين . للتسجيل الرجاء أضغط هنـا
 

الإعلانات النصية


الإهداءات

العودة   منتديات مسلم أون لاين العودة مسلم أون لاين للأسرة والمجتمع العودة قسم واحة حــواء العودة الديكور والأثاث والأعمال اليدوية

إضافة رد
   
أدوات الموضوع انواع عرض الموضوع
  مشاركة رقم : 1  
قديم 08-07-2014
نعمة حكيم
قسم الاسرة والحياة الزوجية

رقم العضوية : 15
تاريخ التسجيل : Jul 2014
المشاركات : 1,113
بمعدل : 0.31 يوميا
معدل تقييم المستوى : 11
المستوى : نعمة حكيم نشيط

نعمة حكيم غير متواجد حالياً عرض البوم صور نعمة حكيم



المنتدى : الديكور والأثاث والأعمال اليدوية
Movable نصائح مجربة لتنظيف المطبخ

من خبراتى فى المطبخ
1لاتضعى الليمون على رخام المطبخ مباشرة لانى هييتسسب فى بقع بيضا على الرخامة كمان البرتقال والخل اى شى حمضى
2طبعا احنا بنقضى ساعات طويلة فى المطبخ مفيش مانع انك تزينى المطبخ علشان يفتح نفسك حتى ولو كان صغيرة بفازة او اكسسوارات للمطبخ زى شوكة او فواكة (موجودة فى ا2 ونص)
3لو عندك معالق كتير شليها فورا وضعى فى الصفاية على قدكم
ممكن تستخدمى كولمن للماء البارد بدل الفتح والقفل فى التلاجة وملى الزجاجات
6حاجة عايزة اقول لكم عليها ممكن ساعات المية تقطع فجاة ويكون حد فى الحمام او عايزة تعملى حاجة ضرورى لازم تحتفظى بجركن ماء وخصوصا لو عندك اطفال
لو تلاجتك فى المطبخ غطيها من فوق بمشمع اوفويل او حتى ورق جرايد علشان متزيتش ويصعب تنظفها
7من الحاجات اللى بتعمل فوضى فى المطبخ الاكياس البلاستك اى كيس غير نضيف تخلصى منة فورا لانة وجودة بيساعد على وجودة الحشرات
8لوفى اكياس نظيفة مفيش مانع تحتفظى بيها بعد مطبقيها كويس وتشليها فى كيس كبير اوعلبة اودرج
9 انا بحتفظ باطباق الفويل بتكون فيها الجبن لو نظيفة (يعنى ميكنش فيها لحوم وفيها دم)اطباق الجبن الحلاوة اغسلها وانفها واضعها فى داخل بعضها وكيس بلاستك علشان متعملش فوضى واستخدمها لما اتبل لحوم او بانية او كفتة
فى بعض الاشيا ءزى البقسماط او الردة او الفريك بتسوس لو اتخزنت حتى وان كان وقت قصير بضعها فى برطمان واحفظها فى الثلاجة
وفاصل ونواصل بعد شوية

نيجى لحاجة فى المطبخ خاصة بيكى انت مريلة المطبخ لازم المريلة طبعا علشان تحمى هدومك بنصحك انك تشترى مريلة شيك وجميلة لانك بتقضى بيها وقت طويل وممكن زوجك يشوفك بيها لا مش ممكن دة اكيد فلازم تكونى جذابة حتى فى مريلة المطبخ
1لازم لازم المريلة تتغسل كل ماتتوسخ وتكون رحتها حلوة
2خلى عندك اكتر من مريلة علشان لو غسلتيها اوجالك ضيف وحب يساعدك او زوجك (فى الاحلام طبعا)محدش يتتحجج ان هدومة هتتوسخ لو اشتغل معاكى
3احترسى فى مرايل بتتباع فى 2 ونص ملونة دة بتبهت على الهدوم وكمان بوظت عندى المطبخ لما سندت وانا بغسل الاطباق والمطبخ عندى لونة فاتح خلى بالك
4لا تستخدمى مريلة وشها بلاستك وانت واقفة امام النار لانها بتنفل الحرارة
5ممكن تغسلى المريلة على ايدك بماء وصابون او تضعيها فى الغسالة بعد ما تطبقيها وتضعيها فى كيس الشربات برضو علشان متختلطش بالغسيل

تنظيف الادوات الكهرباءة اللى فى المطبخ
اهم الادوات الكهرباية فى المطبخ هو الخلاط ولتنظيف الخلاط اليك الاتى
1غسل شفشق الخلاط بعد كل استحدام بالماء والصابون
2ممكن وضع ماء وصابون ونشغل الخلاط بعد ذلك هنلاحظ ان تنظيفة اصبح اسهل
3خصصى مطحنة للتوابل ومطحنة للمكسرات علشان رايحة التوابل ماتتنتقلش للمكسرات
4 لنظيف الجزء الخاص بالماتور بفوطة مبلولة بميى وصابون وامسحية مش تغسليى بالماء حتى لا يحترق الماتور
5لتنظيف بين الازرار بفرشاة اسنان مغموسة بماء وصابون اوكلور
6لتنظيف اى اداة امسحى جزء الماتور بفوطة مبلولة بالماء والصابون واى جزء ممكن يتغسل اغسلية بالماء الجارى وانشفة زى مثلا عصارة البرتقال محضرة الطعام وووو


نيجى لاكتر حاجة مزعجة فى المطبخ وهىالبوتجازولتنظيف البوتجاز اتبعى الاتى
1نظقى البوتجاز اول باول لا تتنتظرى لبعد انتهاء اليوم لان فى حاجات لو سقطت علية هتسودو وتعمل ريحة مش كويسة زى اللبن والشربة
2ممكن تنظفى بالليف والسلك والصابون
3لو محتاج تنظيف شوية يبقى بشوية كلور وسلك بس خلى بالك لان فى بوتجازات ضاجها بيقشر من السلك
4فى منظف بوتجازات اسمة سيف انا مجربتوش بس سمعت انة كويس
5لتنظيف مفاتيح البوتجاز ممكن خلعها ونقعها فى ماء وصابون وغسلها بعد ذلك او تنظفها بدون خلعها بفرشاة اسنن مغموسة فى ماء وصابون
لنظيف عيون البوتجاز اتبعى الطرق الاتية
1ممكن نقعها فى ماء وصابون وكلور وبعد ذلك تدعكها بالسلك
2ممكن تغليها مع عصير ليمونة وبعد ذلك تدعكيها
3ممكن كمان بعض الخل يودى الغرض
4اغسلية وجفييها جيدا وامسحى الشعلات
وركبيها تانى
لتنظيف الفرن عليكى الاتى
1امسحى الفرن لو فيها دهون بقطعة قماش وهى ساخنة لان ذلك سيكون سهل
2ممكن تسكبى بعض الخل فيها
3قرات فى مجلة ان ورق الجرايد يجعل الفرن لامعةاذا مسحتى بية بس لم اجربة
4جوانب البوتجاز ممكن تدعكيها بالليف الخشن او السلك ونتنشفى بعد ذلك بفوطة ناشفة

اهتمى بصحة اسرتك من داخل المطبخ بعض النصايح لصحة الاسرة
1استخدمى ليفة للاكواب وليفة للاطباق
2استخدمى قطاعة للخضروات وقظاعة للحوم حتى واغسلى قطاعة اللحوم بالكلور او الخل لقتل السلامونيلا الموجودة فى اللحوم والدواجن الى الخضروات
3استخدمى سكين لتقطيع الخضروات والبصل واخرى للفواكة
4امسحى رخام المطبخ برشةمية وديتول او خل او كلور اى حاجة مع الية لتعقيمها
5لاتتركى اى طعام بدون غطاء

لتنظيف اوانى المطبخ اولا الاكواب والمجات
1انقعها بماء وصابون وشوية كلور وبعد كدة اد عكيها بفرشاة الاسنان
2لتظيف الاطباق البلاستك نفس الفكرةالنقع والدعك
3لتنظيف الطاسات التيفال عندى فكرة( بس مجربتهاش يعنى محدش يعملها ويقول انا السبب لو حاجة باظت مليش دعوة ) للطاسة من برة بكرر تانى من برة ممكن تستخدمى منظف الافران والبوتجازات بس جربى فى جزء بسيييييييييط الاول انا بنبة عليكم اهو انا سمعتها وقلت اقولها لكم
4يفضل عدم استخدام العلب البلاستك لحفظ الطعام مثل الخضار لانى بيغير لونها استخدمة زجاجاو صاج لسهولة التنظيف
5لاعادة بريق المعالق انقعيها فى ماء وصابون وبعد كدة لو فيها حفر استخدمى الفرشاة الصغيرة


لوضع اللمسات الاخيرة
1لازم الحوض يدعك بالسلك والصابون وممكن شوية ديتول او كلور لقتل الميكروبات
2تخلصى من اى مشوة اومكسور فى المطبخ لانة ممكن يخرح ايدك مثلا طبق مكسور فى جزء صغيراوكوب ارمية على الفور اواتخدمية فى ضع فرش السنان بعد تزينة لكن لا تاكلى اوتشربى فية
3ممكن تزينى كرتونة المسحوق وتضعى فيها بعض الاشياء مثلا الجرايد او رول الفويل
4شبشب البيت يكون غيرشبشب المطبخ لان ساعات المطبخ مش بيكون نظيف والشبشب يتوسخ(سورى)وتخرجى بية تلاقى السجاد اتسخ
5من وقت للتانى حاولى تجددى فى المطبخ يعنى مثلا اشترى فوط جديدة او اشياء توضع على الثلاجة ولو انت من هواة الاشغال اليدوية ممكن تعملى دة بنفسك ولو حاجات بسيطة هتغير وتجدد من شكلة ومن نفسيتك

  مشاركة رقم : 2  
قديم 12-20-2021
عابرة سبيل
الصورة الرمزية عابرة سبيل


رقم العضوية : 933
تاريخ التسجيل : Jul 2021
الدولة : الوطن العربي
المشاركات : 3,131
بمعدل : 3.21 يوميا
معدل تقييم المستوى : 6
المستوى : عابرة سبيل نشيط

عابرة سبيل غير متواجد حالياً عرض البوم صور عابرة سبيل



كاتب الموضوع : نعمة حكيم المنتدى : الديكور والأثاث والأعمال اليدوية
افتراضي رد: نصائح مجربة لتنظيف المطبخ





توقيع عابرة سبيل

تستطيع أن ترى الصورة بحجمها الطبيعي بعد الضغط عليها



إضافة رد


مواقع النشر (المفضلة)

الكلمات الدلالية (Tags)
لتنظيف, مجربة, المطبخ, نصائح

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الساعة الآن 10:31 PM.

Powered by vBulletin® Version v3.8.8
Copyright ©2000 - 2024, by Sherif Youssef
ما يطرح بالمنتدى لا تعبر بالضرورة عن وجهة نظر الموقع وإنما تعبر عن وجهة نظر كاتبها أو قائلها